Bu yaxınlarda Britaniyanın gündəlik qəzeti Daily Mail, Avropa İttifaqı hökumətlərə milli təhlükəsizlik adı altında jurnalistlərə qarşı casusluq etməyə imkan verəcək yeni qanunlar qəbul etmək etmək üzrə olduğu barədə məlumat yayıb.
Faktyoxla LAB. bu nəşrə istinadən bildirir ki, qanun hökumətlərə Aİ-də çalışan britaniyalı müxbirlər də daxil olmaqla jurnalistlərin telefonlarına və kompüterlərinə casus proqramlar quraşdırmağa imkan verən hüquqi boşluqları genişləndirəcək, mətbuat azadlığı ilə bağlı kampaniya aparanlara xəbərdarlıq edəcək.
Hazırda Brüsseldəki səfirlər tərəfindən razılaşdırılan qanun layihəsi “milli təhlükəsizlik” istisnalarını “terrorizm və milli təhlükəsizliyə təhdidlər” altında olan istisnalardan kənara çıxarır.
Bu, Aİ hökumətlərinə jurnalistlərə qarşı “casusluq proqramından” istifadə etmək üçün hüquqi əsas kimi qətldən tutmuş oğurluğa, musiqi piratlığına qədər geniş spektrli cinayət motivlərindən istifadə etməyə imkan verəcək.
Mətbuat azadlığının müdafiəçiləri xəbərdarlıq ediblər ki, Fransanın tələbi ilə edilən son dəqiqə dəyişiklikləri “hər cür sui-istifadələrə qapı aça bilər”.
AB-nin həbs orderində sadalanan 32 cinayətin hamısı, hansı ki, beş ildən artıq həbs cəzası ilə nəticələnə bilər, yeni qanun layihəsinə əsasən istifadə edilə bilər.
Bu, həmçinin Aİ hökumətlərinə “ictimai maraqların əsas tələbi” sayılarsa, jurnalistlərə qarşı casusluq etmək ittihamlarından da azad olmağa imkan verəcək.
Təşviqatçılar yeni qanun layihəsini tənqid edirlər. Onlar xəbərdarlıq edirlər ki, qanun layihəsi mətbuat azadlığına təhlükə yarada bilməklə yanaşı, jurnalistlərə məlumat ötürənlərə də ciddi təsir edəcək.
Sərhədsiz Reportyorların Brüssel üzrə direktoru Culi Mayerçak deyib: “Milli təhlükəsizlik adı altında jurnalistləri izləmək imkanı hər cür sui-istifadə üçün açıq qapıdır”.
Avropa Jurnalistlər Federasiyasının direktoru Renata Şreder “təhlükəli boşluqları” pisləyib və istisnaların “media azadlığına zərbə vurduğunu” deyib.
"Bu, jurnalistləri daha da böyük risk altında qoyur və həmçinin məlumat verənlərə və digər mənbələrə qarşı çəkindirici təsir göstərir", - Renata vurğulayıb.
Aİ səfirləri yekun mətni hazırlamaq üçün qanun layihəsini Avropa Parlamentinə təqdim edəcəklər.
Aİ-nin icra orqanı olan Avropa Komissiyası bloka üzv ölkələrin razılığını alqışlayıb və layihənin ən qısa zamanda qanuna çevrilməsinə çağırıb.
Ötən il qanun layihəsini təqdim edən komissiyanın sözçüsü Vera Yurova deyib: “Bu, media plüralizmini və azadlığını qorumaq üçün Aİ tarixində ilk qaydalara doğru mühüm addımdır. Jurnalistləri qorumaq üçün hamımız daha çox iş görməliyik. Ümid edirəm ki, parlament sürətlə işləyə bilər və biz tezliklə yekun razılaşma əldə edəcəyik”.
